Былы палітвязень абвінавачваецца ў крадзяжы металалому.
Праваабаронца Наста Лойка паведаміла, што суд над Аляксандрам Малчанавым чакаецца цягам сакавіка. Яго абвінавачваюць па частцы 2 артыкула 205 Крымінальнага кодэкса (крадзеж, здзейснены групай асобаў). Былога палітвязня разам з яшчэ адным чалавекам затрымалі на тэрыторыі кузнечнага завода ў Жодзіне ў пачатку студзеня.
Цяпер ён знаходзіцца ў СІЗА ў Жодзіне.
Маці былога палітвязня Галіна Андрэеўна сказала, што за паўтара месяца атрымала ад сына толькі два лісты. Але ён не піша нічога пэўнага, у тым ліку і пра самаадчуванне.
Аляксандр Малчанаў быў асуджаны па справе 19 снежня на 3 гады калоніі. Вызвалены ў верасні загадам Лукашэнкі. Прашэнне аб памілаванні не падпісаў. Пасля вызвалення ён нейкі час правёў у ІЧУ Барыса — яго падазравалі ў абразе дзяржаўнага сцяга. Крымінальную справу спачатку спынілі праз адсутнасць доказаў, а затым зноў аднавілі. На свабодзе ён не мог уладкавацца на працу — яго не хацелі нікуды браць.
Калі віну Аляксандра дакажуць, яму
пагражае пакаранне ў выглядзе папраўчых работ на тэрмін да двух гадоў, альбо арышт ад трох да шасці месяцаў, альбо абмежаванне свабоды на тэрмін да чатырох гадоў, альбо пазбаўленне свабоды да чатырох гадоў.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары