«Слуцкі гасцінец» ці «Каржанеўскага»? — Мінгарвыканкам раіцца, як назваць новыя станцыі метро
А якія варыянты прапануеце Вы?
Мінгарвыканкам запытаўся ў мінчукоў, як варта назваць станцыі трэцяй лініі мінскага метро (ад цэнтра ў бок Курасоўшчыны), будаўніцтва якой пачнецца не раней за 2014 год.
Спецыяльная камісія пакуль што абрала наступныя назвы:
1. Станцыя на скрыжаванні вул. Кіжаватава і Каржанеўскага — «Слуцкі Гасцінец» (ранейшы працоўны варыянт — Каржанеўскага);
2. Станцыя на скрыжаванні вул. Кіжаватава і Асіповіцкай — «Немаршанскi парк» (Лошыцкая);
3. Станцыя на тэрыторыі былога аэрапорта
4. Станцыя на скрыжаванні вул. Жукоўскага і Варанянскага — «Кавальская Слабада» (Жукоўскага);
5. Станцыя каля чыгуначнага вакзала — «Вакзальная»;
6. Станцыя на скрыжаванні вуліц К. Цэткін і Нямігі на плошчы Багушэвіча — «Плошча Францiшка Багушэвiча» (Клары Цэткін)
7. Станцыя на скрыжаванні другой і трэцяй лініі мятро на Юбілейнай плошчы — «Юбiлейная плошча».
* * *
Як бачна,
Мінгарвыканкам прапануе захаваць тапонімы аб’ектаў, якія знаходзіліся раней на месцы будаўніцтва метро.Падобны прынцып прымяняўся і падчас будаўніцтва апошніх станцый на першай лініі метро — «Грушаўка», «Міхалова», «Пятроўшчына».
Другі ўчастак трэцяй лініі метро звяжа цэнтр горада з мікрараёнам Зялёны Луг. Запланаваныя станцыі на пр. Машэрава, вул. В. Харужай, плошчы Бангалор, вул. М. Багдановіча, вул. Кальцова і ў Зялёным Лузе. Назвы гэтых станцый пакуль што не выбіраліся.
* * *
Свае прапановы можна адправіць па факсе на нумар200-97-81 альбо напісаць па паштовым адрасе 220030, Мінск, пр. Незалежнасці, 6.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала16
Каментары