дазволены дзень волі
нешта ў ім ня тое
ідзеш у калоне
як з перапою
паветра замнога
але не хапае
ты знаеш дарогу
ўдыхаеш
выходны і нават нядзеля
паветра ў дажджы і сьнезе
а ты на вуліцы недзе
і верыш што гэта дзеля...
хтосьці ідзе да лора
хтосьці да дзеўкі волі
а хтосьці бярэ малога
ці жонку на дзень волі
а потым кавярня зь сябрамі
ты цэдзіш размову і каву
і цешышся: не забралі
нястрашнае нейкае сьвята
дазволены дзень волі -
нiбыта надзея ў законе
Каментары