Прэзентацыя кнігі апавяданняў і вершаў Анкі Упалы “Дрэва энталіпт” пачнецца 20 красавіка а 19-й у галерэі “Ў” (праспект Незалежнасці, 37A).
Праграма прэзентацыі:
Урачыстае адкрыццё дрэва: Алесь Пашкевіч і Барыс Пятровіч.
Выступ сябраў суполкі kvetki_doma: Алена Пятровіч і Алена Пятровіч.
Цудоўнае з’яўленне Балахона Балахонавіча і Вавёрыцы.
Суровае рэзюмэ: Аксана Бязлепкіна, Маргарыта Аляшкевіч.
Дыфузнае яднанне аўтара з гледачамі.
Драма «Курукіца» (тэатральная пастаноўка)
Ролі выконваюць:
Курукіца: Юля Цімафеева
Дзед: Сяржук Мядзведзеў
Апавядальнік: Павел Анціпаў
Soundtrack: Уладзімір Лянкевіч
Імпрэза пройдзе пры падтрымцы грамадскай культурніцкай кампаніі «Будзьма беларусамі».
Пра кнігу:
Гэта першая кніга ў серыі «Пункт адліку», запачаткаванай Саюзам беларускіх пісьменнікаў для маладых аўтараў.
Аматараў сучаснай беларускай літаратуры ў кнізе чакае сустрэча з добра вядомымі героямі: Курукіцай і Жэншчынай з вядром на галаве, Вавёрыцай і Балахонам Балахонавічам, голасам першай Мінскай птушкафабрыкі ды іншымі дзіўнымі персанажамі.
Кніга ілюстраваная. Малюнкі і фота для вокладкі зрабіла мастак Наталля Зямчонак.
Каментары