Па Мінску пусцяць аўтобус з выявай Сталіна
Беларуская сталіца «далучаецца» да расійскай акцыі.
Аўтобусы з выявай Іосіфа Сталіна плануецца запусціць да Дня Перамогі ў 40 гарадах краін СНД, паведаміў у сваім блогу ў чацвер аўтар праекта «Аўтобус Перамогі» Віктар Логінаў.
«Зараз да акцыі далучылася каля 40 гарадоў, і яна ўжо пабіла ўсе рэкорды папярэдніх гадоў. Гэтым разам у акцыі возьме ўдзел больш гарадоў, чым ва ўсіх папярэдніх акцыях разам узятых», — напісаў ён.
В.Логінаў паведаміў, што актывісты з Мінска выказалі сваё жаданне таксама запусціць па вуліцах беларускай сталіцы аўтобус з выявай
«Фінальным акордам і радаснай для ўсіх нас навіной стала далучэнне да акцыігорада-героя Мінска, сталіцы Беларусі», — паведаміў В.Логінаў.
Як паведамляе актывіст, акцыя падыходзіць да завяршальнай стадыі падрыхтоўкі: збор грошай будзе завершаны праз паўтара тыдні, а заяўкі ад актывістаў з розных гарадоў перастануць прымацца 20 красавіка.
Раней паведамлялася, што «сталінобусы» актывісты плануюць запусціць і ў сталіцах Эстоніі і Латвіі. Праўда, улады Таліна паабяцалі не дапусціць з’яўлення ў горадзе аўтобусаў з партрэтам Сталіна.
Першы аўтобус з партрэтам Сталіна выйшаў у рэйс вясной 2010 года ў Пецярбургу.
Сёлета на маршрут аўтобус павінен сінхронна выйсці 6 мая.
* * *
Звароты ў Мінгарвыканкам можна падаць тут.
«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай18
Каментары