Але расследаванне яшчэ працягваецца, частка сведкаў за мяжой.
«Надта шмат працы ўжо зроблена, і нямала яшчэ наперадзе. Справа ў тым, што там многа эпізодаў, якія сведчаць пра яго [Яўгена Полудня] злоўжыванні, — заявіў старшыня Следчага камітэта Баларусі Валерый Вакульчык у інтэрв’ю «Советской Белорусіі».
— Шэраг эпізодаў фактычна ўжо даказаныя, іх хоць зараз можна прадстаўляць у суд, іх дастаткова для асуджэння.
Але ёсць яшчэ некалькі накірункаў яго незаконнай дзейнасці, расследаванне па якіх абцяжарваецца тым, што шэраг сведкаў часова знаходзіцца за мяжой».
Вакульчык не стаў раскрываць падрабязнасці злачынстваў.
«Коратка скажу, што ён аддаваў распараджэнні і прымаў рашэнні, якія выходзілі за межы яго паўнамоцтваў, прычым рабіў гэта ў асабістых мэтах і ў парушэнне закона. І атрымліваў за гэта незаконныя ўзнагароджванні».
Нагадаем, крымінальнай справы па ч.3 арт.424 КК (злоўжыванне ўладай або службовымі паўнамоцтвамі) у дачыненні да Яўгена Полудня была распачатая 8 снежня 2011 года, у гэты ж дзень ён быў узяты пад варту. Падчас расследавання выявіліся новыя акалічнасці, якія далі падставу распачаць яшчэ адну крымінальную справу — па ч.3 арт.426 КК (перавышэнне ўлады або службовых паўнамоцтваў асобай, якая займае адказнае становішча). Справы аб'ядналі.
Яўген Полудзень 27 снежня быў вызвалены ад пасады намесніка міністра ўнутраных спраў — начальніка міліцыі грамадскай бяспекі і звольнены з органаў унутраных спраў у запас Узброеных Сіл у сувязі са здзяйсненнем правінаў, што дыскрэдытуюць званне супрацоўніка органаў унутраных спраў.
Як паведамлялася ранней,
тэрмін расследавання крымінальнай справы і тэрмін утрымання абвінавачанага пад вартай працягнуты да 6 чэрвеня 2012 года.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі29
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары