«Колькі гадоў ужо на «Беларуськаліі» існуе незалежны прафсаюз? І 20 гадоў ніхто нічога не можа зрабіць, каб іх стала менш».
Пярвічным арганізацыям Федэрацыі прафсаюзаў Беларусі (ФПБ) неабходна процідзейнічаць спробам «дэструктыўнага ўздзеяння» на грамадзян, асабліва з боку незалежных прафсаюзаў. Пра гэта заявіў начальнік галоўнага ўпраўлення ідэалагічнай працы Мінаблвыканкама Руслан Трухан 10 мая на пасяджэнні аблвыканкама ў Мінску.
Паводле яго слоў, самай шматлікай у Мінскай вобласці з’яўляецца пярвічная арганізацыя незалежнага прафсаюза на ААТ «Беларуськалій». Яна аб’ядноўвае 4.569 работнікаў. «За апошнія пяць месяцаў намаганнямі кіраўніцтва прадпрыемства колькасць структуры зніжана на 138 чалавек, у той жа час павелічэнне колькасці прафсаюзаў „Беларуськалія“, якія ўваходзяць у склад ФПБ, не такая адчувальная і склала толькі 65 чалавек», — сказаў Трухан. Гэта «недапрацоўкі» прафсаюзаў федэрацыі.
Як паведаміў Трухан, за апошнія пяць месяцаў з сямі аргструктур незалежных прафсаюзаў у вобласці засталося толькі чатыры.
«У цэлым
Сілы, чые дзеянні маюць неканструктыўны характар, пастаянна знаходзяцца ў полі нашага зроку», — зрабіў справаздачу перад кіраўніцтвам Мінаблвыканкама Трухан.
У сваю чаргу старшыня аблвыканкама Барыс Батура адзначыў, што людзі цягнуцца туды, дзе з’яўляюцца «нестандартныя падыходы» ў дзейнасці.
«Колькі гадоў ужо на „Беларуськаліі“ існуе незалежны прафсаюз? Дваццаць гадоў. І 20 гадоў практычна ніхто нічога не можа зрабіць, каб іх стала менш, прынамсі, на парадак», — сказаў Батура.Паводле яго слоў, гэты «велізарны незалежны» прафсаюз з’яўляецца прыкладам для іншых. «І калі „нармальны“ прафсаюз не прымае адэкватных дзеянняў, то яны будуць з’яўляцца і на іншых прадпрыемствах», — заключыў чыноўнік.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары