Нацыянальны банк Беларусі распрацоўвае прапановы па стымуляванні выкарыстання банкаўскіх пластыкавых картак,заявіў 15 мая на
«Распрацоўваецца шэраг прапаноў па эканамічным стымуляванні суб’ектаў, у прыватнасці, гандлю, па выкарыстанні пластыкавых картак. Нацбанк актыўна разглядае цяпер гэтыя пытанні, праводзіць кансультацыі ў Мінгандлю», — сказаў Дубкоў.
Пры гэтым ён адзначыў, што перспектывы развіцця сістэм безнаяўных разлікаў трэба разглядаць комплексна, бо размова ідзе не толькі аб самой пластыкавай картцы, але і аб тэрміналах для выканання адпаведных аперацый, тэлекамунікацыях.
«Да тых пор, пакуль гандаль і суб’екты, якія прадастаўляюць паслугі, не будуць рэальна эканамічна зацікаўлены ў выкарыстанні пластыкавых картак, рух у гэтым кірунку будзе абмежаваны. На рынку ў нас ёсць канкурэнцыя, неабходная інфраструктура, тэлекамунікацыі, стаіць пытанне, каб напоўніць гэтыя адносіны рэальным эканамічным зместам», — дадаў намеснік старшыні праўлення Нацбанка.
Паводле звестак Нацбанка, на 1 красавіка 2012 года 23 банкі Беларусі эмітавалі банкаўскія пластыкавыя карткі ўнутраных, міжнародных і ўнутраных прыватных плацежных сістэм.
Колькасць банкаўскіх пластыкавых картак, якія знаходзяцца ў абарачэнні, па стане на 1 красавіка 2012 года склала 9 млн. 817,7 тыс., у тым ліку 4 млн. 550,1 тыс. картак сістэмы «БелКарт», 5 млн. 266,9 тыс. картак міжнародных плацежных сістэм.
У Беларусі ўстаноўлена 3.383 банкаматы, 3.207 інфакіёскаў і 80 імпрынтараў, 28.067 арганізацый гандлю (сэрвісу) аснашчаны 43.777 плацежнымі тэрміналамі.
За першы квартал 2012 года на тэрыторыі Беларусі ажыццёўлена 153.619.455 аперацый з выкарыстаннем банкаўскіх пластыкавых картак у беларускіх рублях на суму 31.902.413 млн. рублёў. Удзельная вага безнаяўных аперацый у агульнай колькасці аперацый з выкарыстаннем банкаўскіх пластыкавых картак склала 60,8%, а ў сумарным выражэнні — 19,2%.
Агульная колькасць аперацый у замежнай валюце за першы квартал 2012 года склала 751.725 аперацый на суму 337 млн. 303,1 тыс. долараў ЗША. Удзельная вага безнаяўных аперацый у агульнай колькасці аперацый з выкарыстаннем картак у замежнай валюце склала 22,2%, а ў сумарным выражэнні — 9,4%.
