Спорт33

Гульцы «Рудзенска» ў знак пратэсту затрымалі пачатак матчу з «ДСК-Гомель»

Футбалісты такім чынам спрабавалі звярнуць увагу на фінансавыя праблемы клуба.

Учора гульцы «Рудзенска», які выступае ў першай лізе футбольнага чэмпіянату, у знак пратэсту затрымалі пачатак матчу з «ДСК-Гомель». Футбалісты такім чынам спрабавалі звярнуць увагу на фінансавыя праблемы клуба. Сітуацыю пракаментаваў галоўны трэнер «Рудзенска» Леанід Лагун.

— Так, сапраўды, нашай камандай быў затрыманы матч на 15 хвілін менавіта з-за таго, што апошнім часам на нас навалілася вялікая колькасць фінансавых праблемаў. Я так разумею, што такія дзеянні — гэта спроба звярнуць на сябе ўвагу, некаторым чынам папярэджанне: калі нічога не зменіцца, каманда можа не паехаць на наступную гульню, — сказаў галоўны трэнер.

— Гульцы раіліся з Вамі з гэтай нагоды ці прынялі самастойна рашэнне?

— Звычайна па такіх пытаннях да трэнераў не звяртаюцца. Але, вядома ж, я такое прагназаваў. Час да такіх дзеянняў прыйшоў.

— Можаце падрабязней распавесці аб праблемах каманды?

— Сёння «Рудзенск», напэўна, самая бедная каманда ў першай лізе. У нас не было збораў, няма экіпіроўкі, новай гульнявой формы. Хлопцы выступаюць у леташніх футболках.
Мы — адзіная каманда, якая не атрымала буцаў, а брамнікі і пальчатак. Усе праблемы паступова збіраюцца, як снежны ком. Да таго ж ёсць яшчэ запазычанасці перад некаторымі гульцамі за мінулы год, пайшлі запазычанасці па гэтым сезоне.
Дадайце да гэтага і тое, што ў нас няма вады на трэніроўках, гарбаты, кавы — элементарных рэчаў: фішак, манішак.

Нягледзячы на ​​фінансавыя праблемы, футбалісты «Рудзенска» перамаглі «ДСК-Гомель» — 2:1. Пасля дзевяці тураў падапечныя Леаніда Лагуна займаюць дзявятае месца ў турнірнай табліцы.

Каментары3

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць