Намеснікам міністра адукацыі стаў чалавек, які ні дня не працаваў у школе
На важныя пасады расстаўляюць сілавікоў.
Сталі вядомыя біяграфіі шэрагу новых прызначэнцаў. Звярнула ўвагу, што намеснікам міністра адукацыі стаў Сяргей Руды.З ягонай біяграфіі, што з'явілася на сайтах дзяржорганаў, вынікае, што гэты чалавек... ніколі не адпрацаваў і дня ў школе.
Ён кадравы вайсковец.Нарадзіўся ў 1962 годзе ў Заслаўі пад Мінскам. Скончыў Сумскую артылерыйскую вучэльню і прайшоў шлях ад камандзіра ўзвода да начальніка ўпраўлення будаўніцтва і эксплуатацыі Узброеных сілаў.
У Мінадукацыі ён будзе адказваць за матэрыяльна-тэхнічную базу, але факт застаецца фактам: праблемамі ўстановаў адукацыі будзе займацца ваяка.Пры гэтым яшчэ не было выпадку, каб на ключавую пасаду ў Міністэрства абароны ці ўнутраных справаў прызначылі цывільнага, напрыклад, чалавека са сферы адукацыі. Хоць у самых развітых краінах менавіта такое і практыкуецца. Лічыцца, што грамадзянскі кантроль над сілавой сферай паляпшае яе эфектыўнасць.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары