Асаблівых зменаў зазнаў артыкул аб прымяненні зброі і фізічнай сілы супрацоўнікамі органаў.
Члены савета рэспублікі cёння на чарговым пасяджэнні восьмай сесіі ўхвалілі законапраект аб органах дзяржбяспекі. Як адзначыў, прадстаўляючы дакумент на разгляд парламентарыям, старшыня КДБ Вадзім Зайцаў, законапраект вызначае прававыя і арганізацыйныя асновы дзейнасці органаў дзяржаўнай бяспекі.
Паводле яго слоў, асаблівых зменаў у дакуменце зазнаў артыкул аб прымяненні зброі і фізічнай сілы супрацоўнікамі органаў. Законапраектам дэталізавана контрразведвальная дзейнасць.
Акрамя таго, праект закона вызначае абавязкі і правы органаў дзяржбяспекі і іх супрацоўнікаў, а таксама гарантыі прававой і сацыяльнай абароны супрацоўнікаў органаў дзяржбяспекі і членаў іх сямей.
Каментары