Кіргіз Дамір Бахметаў будзе ўкладваць грошы ў эканоміку іншай краіны.
Дамір Бахметаў, дырэктар мінскага «Таксі Удача» (7337), якое спыніла сваю працу 1 ліпеня 2012 года, выступіў з адкрытай заявай, у якой абвінавачвае чыноўнікаў у сабатажы даручэнняў Аляксандра Лукашэнкі.
«Інвестару немагчыма рабіць бізнэс у краіне, дзе ў чыноўнікаў няма законных падставаў для рэагавання на словы прэзідэнта Лукашэнкі», — наракае ён. Па словах Бахметава,
ён шэсць разоў звяртаўся з лістамі да Аляксандра і Віктара Лукашэнкаў, Уладзіміра Макея, а таксама ў Савет Міністраў, Дзяжкантроль і Міністэрства сувязі і інфарматызацыі з просьбай выдзеліць «Таксі Удача» свабодны трохзнакавы нумар.У адказ яму напісалі, што «законных падстаў для прыняцця дадатковых мер рэагавання па вашых зваротах з боку Адміністрацыі прэзідэнта Рэспублікі Беларусь не маецца».
Інвестар з Кыргызстану пералічвае і іншыя перашкоды, з якімі яму давялося сутыкнуцца падчас развіцця бізнэсу ў Беларусі, у прыватнасці,
неабходнасць закупляць дарагія наваполацкія таксаметры па $300 кожны, якія збіраюцца на беларускім заводзе з замежных складнікаў.
«Усім бізнэсмэнам Беларусі! Жадаем поспеху ў вашым бязмежным цярпенні пераадольваць за свой кошт цяжкасці, створаныя чыноўнікамі.
Мы будзем працаваць там, дзе няма гэтых бар’ераў чыноўнікам і там, дзе рады ўліванню нашых грошай у эканоміку краіны», —кажа былы дырэктар ТАА «Таксі Удача» Дамір Бахметаў.
* * *
«Таксі Удача» (7337) была створана год таму, але ўласнага аўтапарку не мела. Большасць кіроўцаў адначасова прымалі заказы і іншых дыспетчарскіх службаў. Таксі спрабавала прывабіць пасажыраў нізкімі тарыфамі, а кіроўцаў — самай нізкай у горадзе абаненцкай платай.
-
Пры ўзвядзенні дома ў Мінску будаўнікі замянілі керамзітабетон на «гіпсакардон». Людзі забілі трывогу
-
«Зладзілі маленькі Кітай». Што вядома пра новую вытворчасць халадзільнікаў у Баранавічах
-
«Галоўная крыніца выдаткаў — гэта часта адносіны». Айцішнік расказаў, як за тры гады купіў кватэру ў Тбілісі з заробку
Каментары