КДБ прапануе арганізатарам «плюшавага дэсанту» прыехаць у Мінск для дачы паказанняў.
Пра гэта паведаміў Цэнтр інфармацыі і грамадскіх сувязяў Камітэта дзяржбяспекі, паведамляе БелТА.
«У інтарэсах аб’ектыўнага расследавання крымінальнай справы і высвятлення ўсіх акалічнасцяў парушэння паветранай прасторы Рэспублікі Беларусь і Літоўскай Рэспублікі Камітэтам дзяржаўнай бяспекі прапануецца падданым Швецыі, якія прынялі ўдзел у арганізацыі і ажыццяўленні незаконнага перамяшчэння праз дзяржаўную мяжу, прыбыць у Мінск для ўдзелу ў следчых дзеяннях у якасці падазраваных, у тым ліку для правядзення вочных ставак», — заявілі ў КДБ.
У камітэце таксама патлумачылі, што па выніках гэтых дзеянняў будуць прыняты канчаткова адпаведныя працэсуальныя рашэнні ў дачыненні да беларускіх грамадзян, якія праходзяць па крымінальнай справе.
«Прапануецца падданым Швецыі, якія ўзялі ўдзел у ажыццяўленні незаконнага перамяшчэння праз дзяржаўную мяжу, прыбыць у Мінск для ўдзелу ў следчых дзеяннях у якасці падазраваных, у тым ліку для правядзення вочных ставак», — заявілі ў КДБ. У камітэце патлумачылі, што “па выніках гэтых дзеянняў будуць прыняты працэсуальныя рашэнні ў дачыненні да беларускіх грамадзян, якія праходзяць па крымінальнай справе”.
Выходзіць, калі шведы не прыедуць, будуць сядзець беларусы.
Юнакоў Антона Сурапіна і Сяргея Башарымава вінавацяць у дапамозе ў перасячэнні мяжы. Сурапін – фатограф, у блогу якога ўпершыню былі надрукаваны фоты мядзведзікаў. А Башарымаў – рыэлтар, які здаваў шведам кватэру.
Ад пачатку вайскоўцы і ідэолагі катэгарычна абвяргалі факт пралёту самалёта. Аднак урэшце гэты факт прызнаў Аляксандр Лукашэнка і вызваліў ад пасад старшыню Дзяржпагранкамітэта і камандуючага Ваенна-паветранымі сіламі.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі9
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары