Рэзка павялічваецца дзяржпошліна за атрыманне і замену правоў кіроўцы
У Беларусі 9 жніўня рэзка павялічваецца дзяржпошліна за атрыманне і замену правоў кіроўцы.
У Беларусі кошт паслуг, што аказваюць дзяржаўныя органы, у тым ліку падраздзяленні ДАІ (выдача вадзіцельскіх пасведчанняў, нумарных знакаў і інш.), у асноўным залежыць ад базавай велічыні. Памеры дзяржпошлін рэгулююцца двума дакументамі: Падатковым кодэксам і ўказам прэзідэнта № 200 «Аб адміністрацыйных працэдурах, якія ажыццяўляюцца дзяржаўнымі органамі і іншымі арганізацыямі па заявах грамадзян».
Новым Падатковым кодэксам, які набыў моц 1 студзеня 2012 года, быў прадугледжаны памер дзяржпошліны за атрыманне (замену) вадзіцельскага пасведчання ў 4 базавыя велічыні. «Відавочна, што гэтыя змяненні прапрацоўваліся і былі ўнесены яшчэ летась, да рашэння аб павышэнні памеру базавай велічыні. Як вядома, з 1 красавіка 2012 года памер базавай велічыні быў устаноўлены ў 100 тысяч рублёў, што прывяло б да аплаты грамадзянамі за вадзіцельскае пасведчанне ў памеры 400 тысяч рублёў», — адзначылі ў Міністэрстве ўнутраных спраў.
З улікам вышэйсказанага МУС выйшла з ініцыятывай у Савет міністраў аб зніжэнні памеру дзяржпошліны на атрыманне (замену) пасведчання кіроўцы. Гэта прапанова і была рэалізавана ва ўказе прэзідэнта № 197 «Аб унясенні дапаўненняў і змяненняў ва ўказ прэзідэнта Рэспублікі Беларусь ад 26 красавіка 2010 г. № 200».
Такім чынам, з 9 жніўня дзяржпошліна за атрыманне (абмен) вадзіцельскага пасведчання складзе 200 тысяч рублёў.
Да таго як указ набыў моц, дзяржпошліна за вадзіцельскія пасведчанні складала 0,5 базавай велічыні — 50 тысяч рублёў.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна7
Каментары