У судырэктара Беларускага дома зламаны нос, у фотакара charter97.org — галава.
12 жніўня ў Варшаве павінен быў адбыцца футбольны турнір на кубак Беларускага дома з удзелам каманд тэлеканала «Белсат», «Еўрарадыё», «Еўрапейскай Беларусі» і Беларускага інфармацыйнага дома.
А 12-й гадзіне на стадыёне гімназіі № 23 на вуліцы Тарнавецкай у адпаведнасці з афіцыйным дазволам кіраўніцтва навучальнай установы павінен быў пачацца матч. Аднак у гэты час стадыён быў заняты — дзве каманды мясцовых жыхароў гулялі ў футбол.Нягледзячы на настойлівыя просьбы кіраўніцтва гімназіі, яны адмаўляліся пакінуць поле. Пры гэтым палякі сталі пагражаць беларускім гульцам і заўзятарам.
Гульцы «Белсата», «Еўрарадыё», «Еўрапейскай Беларусі» і Беларускага інфармацыйнага дома чакалі з паўгадзіны, потым заўзятары сталі развешваць на агароджы стадыёнаспадзеючыся, штобел-чырвона-белыя сцягі,
Аднак, убачыўшы беларускія сцягі, палякі сталі іх зрываць з агароджы.Пры гэтым у адрас тых, хто сабраўся беларусаў, многія з якіх прыйшлі з дзецьмі, было шмат дзяўчат і жанчын, сыпаліся брудныя абразы і пагрозы тыпу «Зараз пад’едуць нашы сябры з бітамі і мы вас заб’ем».
Потым хуліганы перайшлі да дзеянняў — павалілі на зямлю і пачалі збіваць нагамі арганізатара турніра, судырэктар Беларускага дома Змітра Бародку,які прыйшоў на матч з двума маленькімі сынамі. Фотажурналіст charter97.org Іван Мяжуй спрабаваў здымаць напад на фотаапарат. У выніку яго таксама збілі, паваліўшы на зямлю, а затым забралі фотакамеру.
На месца здарэння прыехала паліцыя, але хуліганы ўжо сышлі. Змітра Бародку і Івана Межуя павезлі на хуткай дапамозе ў бальніцу.
У дырэктара Беларускага дома зламаны нос, у журналіста — разбіта галава, яму наклалі швы, а таксама зламаны палец.
Каментары