У Ваўкавыску забілі дзвюх жанчын 1

У Ваўкавыску Гродзенскай вобласці ўчынена забойства двух жанчын пенсійнага і перадпенсійнага ўзросту.

Як паведамляе афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч, 9 жніўня каля 14.30 у кватэры жылога дома была знойдзена са шматлікімі колата-рэзанымі ранамі ў вобласці шыі жанчына 1960 года нараджэння, якая праз гадзіну памерла ў рэанімацыйным аддзяленні раённай бальніцы. Па гэтым факце Ваўкавыскі раённы аддзел СК распачаў крымінальную справу на падставе ч. 1 арт. 139 КК (забойства).

У той жа дзень у 20.39 у нежылым доме ў райцэнтры са шматлікімі колата-рэзанымі ранамі твару і шыі быў знойдзены труп мясцовай жыхаркі 1954 года нараджэння. Па гэтым факце Ваўкавыскім раённым аддзелам СК таксама распачата крымінальная справа на падставе ч. 1 арт. 139 КК.

Падчас праведзеных следча-аператыўных мерапрыемстваў устаноўлены падазроны.

Ім аказаўся непрацуючы раней судзімы жыхар Ваўкавыска 1990 года нараджэння, затрыманне якога правялі супрацоўнікі Ваўкавыскага РАУС.

Абодва злачынствы ўчыненыя падчас канфліктаў, што ўзніклі паміж падазроным і яго ахвярамі падчас сумеснага распіцця спіртных напояў.

Улічваючы, што ва ўчыненні абодвух злачынстваў падазраецца адна і тая ж асоба, крымінальныя справы аб’яднаныя ў адну вытворчасць і далейшае расследаванне праводзіць упраўленне Следчага камітэта па Гродзенскай вобласці. Для высвятлення акалічнасцяў здарэння створана следчая група з ліку найбольш дасведчаных следчых.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ