Мінпрацы хоча ўзмацніць адказнасць за пакіданне састарэлых бацькоў без падтрымкі
Дэпутаты прапаноўвалі перадаваць пакінутых дзецьмі састарэлых людзей пад апеку дзяржавы, а дзяцей абавязаць аплачваць іх утрыманне.
Міністэрства працы і сацыяльнай абароны плануе ініцыяваць узмацненне адказнасці працаздольных дзяцей за пакіданне састарэлых бацькоў без падтрымкі. Пра гэта паведаміў намеснік міністра працы і сацыяльнай абароны Аляксандр Румак.
«Мы пакуль не прыйшлі да высновы, якім шляхам нам ісці для вырашэння гэтай праблемы», —адзначыў Румак. Ён адмовіўся выдаць варыянты магчымага ўзмацнення жорсткасці заканадаўства, якія цяпер абмяркоўваюцца.
Намеснік міністра адзначыў, што
адна з прапаноў ад дэпутатаў было перадаваць пакінутых дзецьмі састарэлых людзей пад апеку дзяржавы, а дзяцей абавязаць аплачваць іх утрыманне.«Такая прапанова гучала, але мы яе не разглядалі з тым, каб замацаваць у нарматыўных актах», — сказаў ён.
Паводле слоў Румака,
цяпер пенсіянеры маюць права дамагацца праз суд утрымання ад працаздольных дзяцей.
Ён таксама падкрэсліў важнасць прапаганды «здаровых сямейных адносін» у беларускім грамадстве.
Лукашэнка знайшоў незвычайныя словы для спачування Хаменеі: «вераломная атака»27
Каментары