УКБ Кіраўніцтва справаў прэзідэнта аб'явіла тэндар на закупку iPhone 5
Рэспубліканскае ўнітарнае прадпрыемства «Галоўнае ўпраўленне капітальнага будаўніцтва» Кіраўніцтва справамі прэзідэнта запрашае да ўдзелу ў незвычайным конкурсе. Прадметам «дзяржаўнай закупкі» выступае… iPhone 5, які зусім нядаўна выпусціла ў продаж кампанія Apple.
Пакуль УКБ жадае набыць адзін iPhone 5 з аб’ёмам памяці 64 ГБ.
Аб’ём закупкі — 13 млн рублёў.Таргі плануюць правесці ў пачатку кастрычніка.
— Вам сапраўды спатрэбіўся iPhone 5? — спыталі мы ў спецыялістаў УКБа.
— Так, патрэбен. Адзін, чорнага колеру, — распавялі ўадміністрацыйна-гаспадарчым аддзеле.
Нагадаем, на нядаўняй нарадзе Аляксандр Лукашэнка даў даручэнне кантралюючым органам пільна сачыць за даходамі і расходамі беларусаў.
«Аўтамабіляў куча, не праштурхнуцца, у асноўным новыя. Пры жабраку народзе. Адкуль? Крадуць! Ці не плацяць падаткі», — сказаў ён.
Тады ж Лукашэнка нагадаў чыноўнікам: пара спыняць траціць дзяржаўныя грошы на празмернасці. «Ніякіх аўтамабіляў, бензінаў і рамонтаў кабінетаў быць не павінна. Лепш нейкі праект эканамічны няхай асвояць», — сказаў ён.
Каментары