Лідар Руху «За Свабоду» Аляксандр Мілінкевіч сустрэўся ў Празе з міністрам замежных справаў Чэхіі Карэлам Шварцэнбергам і адным з лідараў расійскай апазіцыі Рыгорам Яўлінскім.
Падчас сустрэчы з кіраўніком чэшскага МЗС гаворка вялася пра падтрымку экспертнай працы ў межах «Народнай праграмы» з выкарыстаннем досведу чэшскіх, славацкіх і польскіх рэформаў, а таксама пра развіццё праграмы павышэння кваліфікацыі для маладых беларускіх спецыялістаў, якім выпадзе ажыццяўляць рэформы і мадэрнізаваць краіну.
З Рыгорам Яўлінскім было дамоўлена пра задзейнічанне расійскіх экспертаў пры ацэнцы «Народнай праграмы» — праграмы мадэрнізацыйных рэформаў для Беларусі.
Раней гатоўнасць прыняць удзел у распрацоўцы «дарожных мапаў» у межах «Народнай праграмы» разам з беларускімі экспертамі выказаў аўтар польскіх эканамічных рэформаў прафесар Яцэк Бальцаровіч.
Рух «За Свабоду» плануе ў бліжэйшы час правесці таксама перамовы са спецыялістамі (практыкамі і тэарэтыкамі) ўтарамі рэформаў у Эстоніі, Славакіі, Літвы і іншых дзяржавах — новых сябраў Еўразвязу з мэтай іх далучэння да супрацы па стварэнні праграм трансфармацыі нашай краіны.
«Беларусь будзе рабіць рынкавыя пераўтварэнні апошняй сярод краінаў нашага рэгіёна.Спазненне шкодзіць нашай канкурэнтаздольнасці. Але з гэтага можна атрымаць і плюсы — мы павінны рабіць тое, што ў нашых суседзяў добра атрымалася, і не паўтараць іх памылак. Беларусы хочуць пераменаў і баяцца іх. Трэба паказаць ім, што есць праграмы, есць спецыялісты, што мы ўлічваем досвед іншых. У іх атрымалася — і мы здолеем. Для рэформаў патрэбны не толькі веды палітыкаў, але і воля, і вера грамадзянаў. Наш абавязак спрыяць іх фармаванню», — лічыць лідар Руху «За Свабоду».
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары