Прыпынены продаж фірмовых квіткоў на электрычкі гарадскіх ліній. У касах кажуць пра магчымае падаражанне
На сёння квіток на праезд у швейцарскай электрычцы каштуе 3000 рублёў.
Некалькі апошніх дзён у прыгарадных касах чыгуначнага вакзала не прадаюць фірмовыя квіткі на электрычкі гарадскіх ліній.
Як патлумачылі ў адной з касаў, квіткі скончыліся, а новыя не надрукавалі.
«Хутчэй за ўсё рыхтуецца чарговае падаражанне. Інакш бы ўжо дадрукавалі дадатковыя квіткі», — сказала касірка.
Пакуль жа пасажырам прадаюць звычайныя квіткі з пазнакай, што яны прызначаныя для праезду ў цягніках гарадскіх ліній. Такі квіток дзейнічае толькі ў дзень продажу.
Для пасажыраў гэта не вельмі зручна, бо фірмовыя квіткі можна было набыць у запас, як талоны на праезд у гарадскім транспарце.
З моманту запуску гарадскіх ліній у ліпені 2011 года квіткі на праезд у новых электрычках каштавалі 2000 рублёў.
У ліпені гэтага года праезд у прыгарадных цягніках і электрычках гарадскіх ліній падаражэў на 20%. Цяпер праезд у швейцарскай электрычцы каштуе 3000 рублёў (калі набываць квіток у касе). Кандуктару давядзецца даплаціць яшчэ 1200 руб.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары