Літоўскія памежнікі не пусцілі ў Еўропу радыеактыўную машыну з лісічкамі з Беларусі 4

Літоўскія памежнікі прадухілілі ўвоз у краіну з Беларусі грузу радыеактыўных лісічак. Норма радыяцыі была перавышана больш чым у два разы, паведаміла Служба аховы дзяржмяжы Літвы (САДМЛ).

Небяспечны груз быў знойдзены ў аўторак вечарам на КПП Шальчынінкай (з беларускага боку — Беняконі) пры праверцы грузавога аўтамабіля DAF з прычэпам Koegel, за рулём якога знаходзіўся 55-гадовы грамадзянін Беларусі.

Пры ўездзе грузавіка на КПП спрацавала стацыянарнае абсталяванне вымярэння радыяцыі.

Памежнікі праверылі грузавік дадаткова ручнымі прыборамі вымярэння радыяцыі, высветлілася, што радыяцыйны фон лісічак дасягаў каля 50 мікрарэнтген у гадзіну пры дапушчальным фоне ў 20 мікрарэнтген. Замер быў выраблены звонку прычэпа, магчыма, фон у сярэдзіне быў бы яшчэ вышэйшы.

Паводле дакументаў, груз накіроўваўся з аднаго беларускага прадпрыемства праз Літву ў краіны Заходняй Еўропы.

У адпаведнасці з устаноўленым парадкам быў апавешчаны Цэнтр радыяцыйнай бяспекі.

Памежнікі вырашылі не пускаць груз з Беларусі.

Delfi.lt

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ