За ўборку льну людзям плацілі па 4.000 рублёў за дзень
Рэдакцыя «Вестак» атрымала ксеракопію разліковай ведамасці акцыянернага таварыства «Пліскі льнозавод» (Глыбоцкі раён), дзе яно разлічваецца з супрацоўнікамі Падсвільскай ЖКГ за ўборку льну.
За дзень працы — 26 верасня — аднаму з супрацоўнікам заплацілі 4.060 рублёў (0,47 даляра). Хто працаваў 28 верасня, атрымалі па 4.680 рублёў (0,55 даляра).
29 верасня быў выходны, таму плацілі ў падвышаным памеры — па 12.180 рублёў.
Агулам дваццаць адзін работнік, якія разам адпрацавалі дваццаць чатыры дні, атрымалі 191.720 рублёў (22,37 даляра).
Карэспандэнт патэлефанаваў у бухгалтэрыю ААТ «Пліскі льнозавод», сядзіба якога знаходзіцца ў мястэчку Падсвілле.
Супрацоўнік патлумачыў, што існуюць зацверджаныя начальствам расцэнкі — за гектар узнятага ўручную льну плаціць 57.651 б рублёў.
Па словах супрацоўніка, людзі ўздымалі па 10—15 сотак льну за дзень. Таму такія і расцэнкі, кажа ён.
Супрацоўніца Падсвільскага кажа, што «рабілі столькі, колькі нам казалі». Працавалі часам да абеда, аднойчы — да паловы на чацвёртую.
Каментары