Сярэдні «брута» заробак у першым квартале 2007 г. у Латвіі склаў 357 латаў (альбо 682 даляры па курсе). Гэта на 32,8% больш, чым у першыім квартале 2006 г., паведамляюць латвійскія СМІ.
Пры гэтым у грамадзкім сэктары ён павялічыўся з 301 лата ў 2006 г. да 406 латаў у 2007 г. (з $575,5 да $776), а ў прыватным сэктары з 252 да 334 латаў (з $482 да $639).
Больш імкліва расьлі заробкі ў сфэры электра-, газа-, і водазабесьпячэньня — з 371 да 536 латаў (з $709 да $1024).
Сярэдні заробак у Рызе і Рыскім раёне складае 407 латаў ($778). Найменшыя заробкі ў Латгаліі — 249 латаў ($476).
Але трэба ўлічваць, што «нэта» (чыстымі) дасягнуў 257 латаў ($491).
* * *
Cярэдні заробак у Літве па выніках першага кварталу складае 517 даляраў чыстымі (1329 літаў), у Эстоніі — 550 даляраў.
Паводле інфармацыі Міністэрства статыстыкі і аналізу Беларусі сярэдні налічаны заробак (г.зн. брута) у першым квартале склаў $287.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты54
Каментары