Дзейныя асобы:
Анёл.
Чорт.
Людзі (гледачы).
Анёл (упрыгожвае ялінку і сьпявае).
На вашым двары
Дрэва стаяла,
Раю-раіўся,
Хрыстос нарадзіўся
На вашым двары.
На тым дрэве
Цісова краваць.
Раю-раіўся...
А ў той краваці
Божая маці.
Божая маці
Сына радзіла.
Сына радзіла,
Раду радзіла.
Суяжджаліся
Князі-баяры.
Суды судзілі,
Раду радзілі.
Суды судзілі.
— Чыім імём назваць?
Назвалі імём —
Ісусам Хрыстом!
Чорт. Стоп, стоп! Што ты тут галаву людзям дурыш — які Хрыстос, які Божы Сын? Гэта ўсё няпраўда.
Анёл. Праўда.
Чорт. Не.
Анёл. Праўда.
Чорт. Давай спрачацца.
Анёл. Давай, а хто рассудзіць?
Чорт. А хай сабе людзі рассудзяць. (Паказвае на гледачоў.)
Анёл. Рассудзіце нас? Добра?
Чорт. Дык вось — клянуся сваім рогам — няма ніякага Бога. (Зьнімае і кладзе на стол свой рог.) Малююць Бога на карцінках, пішуць пра яго ў кніжках — але хто яго бачыў? Гэта ўсё казкі...
Анёл. Крылом клянуся — вось. Бог ёсьць. (Зьнімае і кладзе крыло.) Калі б Бога не было, калі б рай і пекла былі б выдумкай, то і чорта быць не павінна. Але ж ён во тут стаіць, самы сапраўдны, і блюзьніць, і шкодзіць. Не, трэба пагадзіцца, што звышнія сілы дабра і зла існуюць.
Чорт. Клянуся рогам — няма Бога. (Зьнімае і кладзе рог.) Кажуць, Бог прынёс на зямлю мір і спакой. Дзе вы бачылі? Паўсюль вайна і тэрарысты. Вунь, нават у вашай Палестыне, сьвятой зямлі, дзе Хрыстос нарадзіўся, што цяпер? Вайна!
Анёл. Крылом клянуся — вось. Бог ёсьць! (Зьнімае і кладзе крыло.) Сапраўды, бывае, людзі сварацца, ваююць. Але ўсякая вайна канчаецца мірам. Калі б гэтага не было — даўно б усе адзін аднога перабілі б, нікога б не засталося. А так, бачыце, колькі на сьвеце людзей разьвялося?
Поўны варыянт чытайце ў папяровай і pdf-вэрсіі гаэты "Наша Ніва"
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»3
Каментары