Украінскае выданне «Страна.ua» апублікавала фатаграфію грамадзяніна Украіны Т., які, як сцвярджае СБУ, рыхтаваў забойства расійскага журналіста Аркадзя Бабчанкі.

Крыніца ў праваахоўных органах распавяла выданню, што гэтага чалавека завуць Тарас Стэльмашэнка. Ён, як і заяўляў намеснік начальніка Галоўнага следчага ўпраўлення СБУ Багдан Тывадар, з'яўляецца грамадзянінам Украіны.

Паводле СБУ, ён спачатку знаходзіўся на тэрыторыі Растоўскай вобласці, дзе нібыта праходзіў спецпадрыхтоўку. Пасля чаго ў маі прыехаў ва Украіну і трапіў пад кіраўніцтва Барыса Германа — для здзяйснення забойстваў, у тым ліку па «спісе 47».

Па месцы жыхарства грамадзяніна Т. падчас правядзення ператрусу канфіскаваныя агнястрэльная зброя і боепрыпасы.

Клас
Панылы сорам
Ха-ха
Ого
Сумна
Абуральна