Грамадства151151

Мінгарвыканкам: Шыльду да 100-годдзя БНР не ставім, бо атрымалі шмат негатыўных зваротаў ад грамадскасці

Мінгарвыканкам патлумачыў, чаму на доме па адрасе Валадарскага, 9 дагэтуль не ўсталяваная мемарыяльная шыльда да 100-годдзя абвяшчэння Беларускай Народнай Рэспублікі.

Старшыня Мінгарвыканкама Андрэй Шорац. Чыноўнік з Віцебска апынуўся ў сталіцы ў 2010 годзе, калі яго перавялі ў Міністэрства ЖКГ намеснікам міністра. У 2014 годзе, ужо з пасады міністра, ён перайшоў у «мэры» — прызначаныя старшыні Мінгарвыканкама. Фота Сяргея Гудзіліна.

Нагадаем, дазвол быў дадзены яшчэ ў сакавіку 2018 года, напярэдадні святкавання 25 Сакавіка. Грамада імгненна сабрала грошы, патрэбныя на выраб шыльды. За некалькі гадзін праз «Талаку» ахвяравалі 7500 рублёў пры заяўленых 6000 рублёў. Атрымаўся бронзавы варыянт дошкі замест састарэлага арыгіналу, зробленага ў 1993 годзе скульптарам Алесем Шатэрнікам.

Фота Радыё Свабода

Была нават прызначана дата ўстаноўкі, аднак пасля Мінгарвыканкам раптоўна здаў назад. Паседжанне, на якім чыноўнікі меліся зацвердзіць шыльду, пераносілі шмат разоў, у выніку праз паўгода мемарыяльная дошка так і не ўсталяваная.

Якое тлумачэнне гарадскія ўлады даюць цяпер?

«Інфармуем аб тым, што ў адрас Мінгарвыканкама паступіў шэраг зваротаў ад грамадзян Беларусі і прадстаўнікоў грамадскасці з негатыўным стаўленнем да пытання ўстаноўкі памятнай дошкі па вуліцы Валадарскага, 9. Пытанне аб мэтазгоднасці прыняцця рашэння Мінгарвыканкама па ўстаноўцы мемарыяльнай дошкі знаходзіцца на разглядзе», — гаворыцца ў адказе, які атрымала Беларуская сацыял-дэмакратычная партыя (Грамада) ад намесніка старшыні Мінгарвыканкама Ігара Юркевіча.

Хто такі Ігар Юркевіч? Гэта 41-гадовы доктар, які летась стаў намеснікам старшыні Мінгарвыканкама і адказвае за сацыяльную абарону, адукацыю, ахову здароўя і ідэалогію. Юркевіч нарадзіўся ў Століне, скончыў Гродзенскі медыцынскі ўніверсітэт. Працаваў доктарам у Століне, у прыёмным аддзяленні Мінскай інфекцыйнай бальніцы, намеснікам галоўнага доктара гэтай установы, галоўным доктарам Дзіцячай інфекцыйнай бальніцы, намеснікам старшыні камітэта па ахове здароўя Мінгарвыканкама, а пасля і старшынёй гэтага камітэта.

Ігар Юркевіч. Фота Яўгена Ерчака

Памочніца Ігара Юркевіча Ася Бірук паведаміла, што яе начальнік знаходзіцца ў адпачынку, таму не зможа пракаментаваць сітуацыю. Дарэчы, сама Бірук — актывістка «Лігі камуністычнай моладзі».

У прэс-службе Мінгарвыканкама атрымаць каментар таксама не ўдалося.

Каментары151

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Радыёвядучы расказаў пра ўнутраную кухню АНТ — і пра тое, як ператварыўся ў палітвязня

Радыёвядучы расказаў пра ўнутраную кухню АНТ — і пра тое, як ператварыўся ў палітвязня

Усе навіны →
Усе навіны

Марсіянскі метэарыт прадалі на аўкцыёне за вялікія грошы. Улады афрыканскай краіны пратэстуюць2

Сярэдні кошт арэнды кватэры ў Мінску павялічыўся на 10-15%

Удзельнікаў пратэстаў шукаюць па польскай кнізе з фотаздымкамі з маршаў6

Загінуў на вайне зяць Іосіфа Прыгожына5

На якія стыпендыі можна разлічваць пры вучобе на «Гісторыі» ў ЕГУ1

Галоўчанка: Прычын для павышэння стаўкі рэфінансавання няма

МЗС расказала, што цяпер з беларусамі, вызваленымі з працоўнага рабства

У Мінску санслужба закрыла краму з-за відэа ў сеціве

Нацыянальны архіў ЗША апублікаваў у тры разы болей аэрафотаздымкаў Беларусі часоў Другой сусветнай вайны. Якія гарады дадаліся?3

больш чытаных навін
больш лайканых навін

Радыёвядучы расказаў пра ўнутраную кухню АНТ — і пра тое, як ператварыўся ў палітвязня

Радыёвядучы расказаў пра ўнутраную кухню АНТ — і пра тое, як ператварыўся ў палітвязня

Галоўнае
Усе навіны →

Заўвага:

 

 

 

 

Закрыць Паведаміць