Плошчу Pod kaštany (Пад каштанамі) у Празе, дзе размешчана расійскае пасольства, назавуць у гонар расійскага палітыка Барыса Нямцова, якога ў 2015 годзе застрэлілі на Вялікім Маскварэцкім мосце ў цэнтры Масквы. З такой прапановай выступіў мэр чэшскай сталіцы Здэнек Гржыба, а гарадская рада ухваліла гэтую ідэю, паведамляе РБК са спасылкай на выданне Novynky.
Перайменаваць плошчу прапанавалі ў гонар пяцігадовай гадавіны са смерці Нямцова, адзначыў Гржыба. Ён растлумачыў, што такое рашэнне прымалася на аснове ініцыятывы мясцовых жыхароў. Выданне паведамляе, што на плошчы размяшчаецца толькі расійскае пасольства, таму змены не закрануць якія-небудзь іншыя аб'екты.
«Гэтым жэстам Прага далучыцца да некалькіх іншых гарадоў, якія такім чынам паказваюць на палітычную сітуацыю ў сённяшняй Расіі», — гаворыцца ў заяве гарадской рады, якую цытуе Idnes.cz.
Цяпер чытаюць
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?2
Каментары