Затрыманы адміністратар тэлеграм-канала «Беларусь галаўнога мозгу» Ігар Лосік. Заведзена крымінальная справа
З ператрусам да Ігара Лосіка прыйшлі днём у чацвер. У ператрусе ўдзельнічалі дзевяць чалавек. Пасля ператрусу Ігар быў затрыманы.
Вечарам стала вядома, што на Лоcіка заведзена крымінальная справа.
Пра гэта жонка Дар'я распавяла Радыё Свабода.
Ігар Лосік знаходзіцца ў СІЗА на Акрэсціна. Справа распачатая паводле арт. 342 КК РБ (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).
— Патэлефанаваў дзяжурны следчы і распавёў, што далі дзяжурнага адваката, — распавяла Дар'я журналістам.
Па гэтым жа артыкуле, нагадаем, затрыманыя Сяргей Ціханоўскі і яшчэ 10 чалавек. Санкцыі па частцы першай гэтага артыкула прадугледжваюць штраф або арышт, або абмежаванне волі на тэрмін да трох гадоў, або пазбаўленнем волі на той жа тэрмін. Па частцы другой, пры адсутнасці прыкмет больш цяжкага злачынства-караюцца арыштам або пазбаўленнем волі на тэрмін да двух гадоў.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»9
Каментары