Міжнародныя плацежныя сістэмы Visa і Mastercard абвясцілі аб прыпыненні сваёй дзейнасці ў Расіі.
Карты Visa і Mastercard, выпушчаныя ў Расіі, не будуць працаваць за мяжой, а карты, выпушчаныя замежнымі фінансавымі ўстановамі, не будуць працаваць у Расіі.
«Мы вымушаныя пайсці на гэты крок з-за расейскага ўварвання ва Украіну і непрымальных падзей, сведкамі якіх мы сталі, ‒гаворыцца ў заяве Visa. ‒ Гэтая вайна і пастаянная пагроза міру і стабільнасці патрабуе, каб мы рэагавалі ў адпаведнасці з нашымі каштоўнасцямі».
«Робячы гэты крок, мы далучаемся да многіх іншых у надзеі на больш пазітыўную, прадуктыўную і мірную будучыню для ўсіх нас», — адзначылі ў Mastercard.
Першым на рашэнне Visa і Mastercard адрэагаваў расійскі Ашчадбанк. Ён паведаміў, што абмежаванні не паўплываюць на працу карт Ашчадбанка ў краіне.
Усе карты кліентаў «Сбера» будуць працаваць, па іх можна будзе здзяйсняць аперацыі на тэрыторыі Расіі ‒ здымаць наяўныя, рабіць пераводы па нумары карты, расплачвацца як у афлайн-крамах, так і ў расійскіх інтэрнэт-крамах», ‒ паведаміў банк.
ЦБ Расіі заявіў, што карты Visa і Mastercard расейскіх банкаў працягнуць працаваць у іх краіне.
-
«Сірыя паказвае, што Расія не непераможная». Галоўная дыпламатка ЕС выказалася супраць перамоў на ўмовах Масквы
-
«Людзі гінуць, а яму «цікава»… Д*****б». Украінскае кіраўніцтва пры каментаванні ініцыятыў Пуціна не падбірае слоў
-
Украінскаму музыку, які раіў палякам уступіць у Расійскую імперыю, забаранілі ўезд у Еўрасаюз на 10 гадоў
Міліцыя выпадкова апублікавала ВІДЭА для ўнутранага карыстання — інструкцыю, як трэба паводзіць сябе з насельніцтвам1
Каментары