Вакансіі Мінска: праграміст за 125 даляраў, настаўнік за 180, будаўнік за 350
Ніхто не ідзе.
У Мінску колькасць вакансій у 7,9 разу перавышае колькасць беспрацоўных. Пра гэта паведамляе БелТА са спасылкай на ўпраўленне палітыкі занятасці Міністэрства працы і сацыяльнай абароны. Пры гэтым рынак працы
У сталіцы на 1 ліпеня гэтага года было звыш 20,1 тыс. свабодных рабочых месцаў, а беспрацоўных зарэгістравана на гэтую дату менш за 2,6 тыс. чалавек.У сталіцы больш за ўсё вакансій у сферы будаўніцтва — прадпрыемствы гатовыя прыняць на працу плітачнікаў, тынкоўшчыкаў, маляроў, мантажнікаў і г.д. Адчуваецца дэфіцыт рабочых рук у сферах гандлю і грамадскага харчавання, транспарту і сувязі.
Паводле словаў спецыялістаў, ва ўсіх рэгіёнах рэспублікі колькасць вакансій значна перавышае колькасць беспрацоўных. А ў цэлым па Беларусі на 1 ліпеня гэтага года вакансій было ў 2,4 разу больш, чым беспрацоўных. Так, у агульнарэспубліканскім банку вакансій (зыходзячы з заявак наймальнікаў у органы па працы, занятасці і сацабароне) налічвалася звыш 66,6 тыс. свабодных рабочых месцаў (для параўнання: на 1 чэрвеня гэтага года іх было 65,6 тыс., на 1 траўня — 59 тыс., на 1 красавіка — 56,9 тыс., на 1 сакавіка — 54,2 тыс., на 1 лютага — 53 тыс., на 1 студзеня — 51,7 тыс.).
Прапанаваныя ў раздзеле «Вакансіі» на сайце Мінгарвыканкама пазіцыі і заробак па іх збольшага могуць растлумачыць такую колькасць незапоўненых працоўных месцаў. Напрыклад,
Рэспубліканскі інстытут кантролю ведаў шукаеінжынера-праграміста на зарплату ад 1,05 млн рублёў у месяц. Спашукальнікам гэтай пасады нават давядзецца прайсці конкурсны адбор.
А вось сярэдняй школе № 69 Мінска неабходны настаўнік пачатковых класаў. Спецыялісту з вопытам работы прапануецца ад 1,5 млн у месяц.
Будаўнікам пры іх прыкметным дэфіцыце прапануюць крыху больш. У ААТ «МАПІД» гатовыя плаціць ад $350 у месяц, прыватныя кампаніі адразу абяцаюць ад $500.
-
Праўладны аналітык Шпакоўскі спрабуе патлумачыць, што хацеў Лукашэнка ад ЗША
-
Выкладчыца Наталля Дуліна: Я катэгарычна адмовілася пісаць прашэнне аб памілаванні. І я б была рада, калі б вывезлі кагосьці іншага
-
«На галовах — мяшкі». Экс-палітвязень Карней, якога вызвалілі разам з Ціханоўскім, распавёў, як гэта было
Каментары