Maŭlaŭ, raptam niechta ź viaźniaŭ jaje skradzie.
Ad lidera «Maładoha frontu» Źmitra Daškieviča jaho niaviesta Nasta Pałažanka atrymała adrazu niekalki listoŭ. Viazień adzinočki ŭ haradzienskaj turmie koratka napisaŭ pra svaje pobytavyja ŭmovy i paviedamiŭ, što z zdaroŭjem u jaho prablemaŭ niama.
Pałažanka:
«Umovy ŭ jaho ciapier ničym nie adroźnivajucca ad taho, što było ŭ PKT kalonii ŭ Horkach ci ŭ karcery ŭ Hłybokim.Raskład dnia toj ža. A z navinaŭ — toje, što atrymaŭ ad mianie rečavuju pieradaču, jakaja, spadziajusia, budzie vielmi karysnaja da zimy: švedar, bializna, pralny parašok, kab možna było niešta pamyć u kamery. Taksama myła, zubnaja pasta.
Adzinaje majo rasčaravańnie było ŭ tym, što nie ŭziali zimovuju šapku — bo z naturalnaha futra. Skazali, kab była z štučnaha, to ŭziali b.Potym Źmicier praz advakata patłumačyŭ, čamu. Akazvajecca, šapka z naturalnaha futra ŭjaŭlaje ź siabie peŭnuju kaštoŭnaść, a z štučnaha — nie. Maŭlaŭ, raptam niechta ź viaźniaŭ jaje skradzie. Tamu zastaŭsia Źmicier biaz šapki. Praŭda, u jaho jość šapka, ale małoha pamieru. Byccam abiacali vydać narmalnuju».
U 2011 hodzie Źmitra Daškieviča asudzili na 2 hady źniavoleńnia pa abvinavačańni ŭ chulihanstvie, nibyta ŭčynienym za dzień da prezydenckich vybaraŭ 2010 hodu. Termin pakarańnia musiŭ skončycca sioleta 18 śniežnia, ale ŭ žniŭni palitviaźnia znoŭ asudzili i dadali hod kalonii za niepadparadkavańnie, da taho ž adpravili z kalonii ŭ turmu.
Kamientary