Rasija ŭ 2013 hodzie nie płanuje vydavać kredyty inšym krainami, tolki Biełarusi ŭ ramkach kredytu Antykryzisnaha fondu JeŭrAzES, paviedamiŭ ahienctvu Prajm ministr finansaŭ RF Anton Siłuanaŭ.
«U nas u biudžecie heta nie zakładziena. U nastupnym hodzie — nikomu, akramia Biełarusi», — skazaŭ jon.
Nahadajem, Rada Antykryzisnaha fondu JeŭrAzES 7 śniežnia na pasiadžeńni ŭ Minsku ŭchvaliła čarhovy, čaćviorty, tranš kredytu Biełarusi ŭ 440 młn. dołaraŭ. Tady Siłuanaŭ zajaviŭ, što nie varta źviazvać hetaje rašeńnie z palityčnymi momantami. «Mahu vas zapeŭnić, što nijakaj palityki nie było. Heta čystaja ekanomika», — skazaŭ jon.
Pahadnieńnie pamiž Biełaruśsiu i Jeŭrazijskim bankam raźvićcia (JEABR), jaki kiruje srodkami AKF JeŭrAzES, pa vydzialeńni kredytu na 3 młrd. dołaraŭ šaściu tranšami było padpisana 9 červienia 2011 hoda. Pieršy tranš na 800 młn. dołaraŭ byŭ pieraličany ŭ Biełaruś 21 červienia 2011 hoda, jašče 440 młn. dołaraŭ — u śniežni
U 2012 hodzie Biełaruś pavinna atrymać dva tranšy pa 440 młn. dołaraŭ kožny. Treci tranš byŭ atrymany ŭ červieni i zaličany ŭ zołatavalutnyja reziervy krainy. U červieni namieśnik ministra finansaŭ RF Siarhiej Storčak vykazaŭ mierkavańnie, što Biełaruś maje ŭsie šansy da kanca hoda atrymać čaćviorty tranš.
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču3
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4848
Kamientary