Hałoŭny trenier «Fienierbachče» Ajkut Kadžman paśla haściavoj ničyjoj z BATE (0:0) zastaŭsia zadavolenym vynikam pierad zvarotnaj sustrečaj u Stambule:
Treba paramaŭlać pra toje, što adbyvałasia da matča i padčas jaho. Pierad startavym śvistkom my mierkavali, što vynik pajadynku budzie viesialejšym, čym vyjšła nasamreč. U pieršuju čarhu, chaču vykazaćkamplimienty supierniku, jaki hulaŭ vielmi dyscyplinavana i dakładna. Supraćstajać takoj kamandzie ŭdziesiacioch praktyčna 90 chvilinaŭ vielmi składana.
Biezumoŭna, ničyja ŭ takich abstavinach u haściach — heta dobry vynik dla nas. U Stambule my pasprabujem zhulać tak, jak pavinny na samaj spravie.
Jak staviciesia da čyrvonaj kartki Raula Miejreleša??
Heta niapravilna — narvacca na čyrvonuju kartku ŭ pačatku hulni. Biezumoŭna, my budziem razhladać hetaje pytańnie. Ale hałoŭnaje, nie ŭ tym, kab pakarać hulca, a papiaredzić padobnyja vypadki ŭ dalejšym.
Jakija płany «Fienierbachče» ŭ hetym rozyhryšy Lihi Jeŭropy?
Paśla vyprabavańnia, jakoje my vytrymali ŭ matčy z BATE, možna zadumacca ab surjoznych metach u Lizie Jeŭropy.
Vy skazali, što BATE — mocnaja kamanda. A ŭ Stambule «Fienierbachče» pryjdziecca hulać biez padtrymki rodnych trybun…
Futboł — heta nie tolki prysutnaść zaŭziataraŭ, ale i pačućcio hulni. Choć zaŭziatary nie buduć prysutničać na trybunach, jany pahladziać hulniu pa televizary.I my heta budziem adčuvać. Fanaty — naša siła. Heta adna z našych hałoŭnych asablivaściaŭ.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary