Na arhanizatara festu ŭ honar Miłavidskaj bitvy skłali pratakoł

U dačynieńni da baranavickaha aktyvista ruchu «Za Cvabodu» Viktara Syrycy składzieny pratakoł ab administracyjnym pravaparušeńni za arhanizacyju 2 červienia fiestyvalu, prymierkavanaha da 150-j hadaviny Miłavidskaj bitvy.

«Pra toje, što mianie chočuć pryciahnuć da administracyjnaj adkaznaści, ja daviedaŭsia 9 červienia, atrymaŭšy pa pošcie paviedamleńnie z Baranavickaha rajonnaha adździeła ŭnutranych spraŭ, — paviedamiŭ BiełaPAN Syryca. — Taksama ŭ dakumiencie havaryłasia, što ja pavinien źjavicca ŭ milicyju 12 červienia, kab padpisać hety pratakoł».

Syryca skazaŭ, što inicyjatyŭnaja hrupa, u jakuju jon uvachodziŭ, dvojčy biespaśpiachova padavała zajaŭki na praviadzieńnie fiestyvalu kala miemaryjalnaha kompleksu na miescy Miłavidskaj bitvy 1863 hoda, raźmieščanaha niepadalok ad vioski Miłavidy Baranavickaha rajona. Padčas trochhadzinnaha fiestyvalu płanavałasia ŭskładańnie kvietak da pomnika, vystupleńni historykaŭ, krajaznaŭcaŭ, paetaŭ i bardaŭ. Ahulnaja kolkaść udzielnikaŭ mierapryjemstva zajaŭlałasia da 70 čałaviek.

Zapłanavany na 2 červienia fiestyval Baranavicki rajvykankam zabaraniŭ z matyviroŭkaj, što ŭ hety dzień i ŭ hety čas adździeł kultury rajvykankama budzie pravodzić tam svajo mierapryjemstva, pryśviečanaje hetaj dacie.

Inicyjatyŭnaja hrupa pryniała rašeńnie pieranieści adukacyjna-kulturnaje mierapryjemstva na 9 červienia i ŭ rajvykankam padała novuju zajaŭku. Čynoŭniki znoŭ admovili, spasłaŭšysia na zakon «Ab masavych mierapryjemstvach».

«2 červienia my vyrašyli ŭziać udzieł u mierapryjemstvach, jakija mieła namier arhanizavać ułada ŭ honar Miłavidskaj bitvy. A z-za taho, što u pryznačany čas tam ničoha nie adbyvałasia, my ŭskłali kvietki da pomnika kasinieram. Paśla čaho pierajechali ŭ viosku Rusina, dzie na bazie baranavickaha adździaleńnia Tavarystva biełaruskaj movy praviali zapłanavanyja nami pamiatnyja mierapryjemstvy», — dapoŭniŭ Syryca.

Pavodle słoŭ aktyvista, 12 červienia ŭ Baranavickim RAUS jamu padali składzieny ŭ dačynieńni da jaho pratakoł za arhanizacyju i praviadzieńnie niesankcyjanavanaha mierapryjemstva na padstavie č. 2 art. 23.34 KoAP.

«Ja miarkuju, što ŭ hetym vypadku dziejańni ŭładaŭ jaŭna vychodziać za miežy zakonu i ćviarozaha rozumu. My majem prava šanavać pamiać i adznačać značnyja histaryčnyja padziei. I ŭłady zabaraniajuć takija mierapryjemstvy niezakonna», — zajaviŭ Syryca.

• 0
• 0
• 0
• 0
• 0
• 0
• 0
• 0