Fond dziaržaŭnaj majomaści, utvorany ŭ 2006 hodzie, źjaŭlaŭsia strukturnym padraździaleńniem centralnaha aparatu Dziaržaŭnaha kamiteta pa majomaści i ažyćciaŭlaŭ śpiecyjalnyja funkcyi(vykanaŭčyja, kantrolnyja, rehulavańnia i inšyja) u śfiery kiravańnia, rasparadžeńnia, pryvatyzacyi, acenki i ŭliku majomaści, što znachodzicca va ŭłasnaści Biełarusi.
Jak rastłumačyli ŭ dziaržkamitecie, likvidacyja fondu źviazana z ukazam prezidenta ab skaračeńni kolkaści dziaržaparatu na 25%. Zamiest fondu ŭ struktury Dziaržkamiteta pa majomaści stvarajecca hałoŭnaje ŭpraŭleńnie majomasnych adnosinaŭ, jakoje ŭznačalić były dyrektar fondu Natalla Žarnasiek.
Nahadajem, zhodna z rašeńniem Alaksandra Łukašenki, byli admienieny pryvatyzacyjnyja płany.Pry hetym, jak jon zajaviŭ, vystupajučy 19 krasavika z pasłańniem da parłamienta i naroda, padychody da pryvatyzacyi ŭ Biełarusi zastajucca niaźmiennymi. «My možam pradać luboje pradpryjemstva, ale nijakich kułuarnych, kalidornych ździełak tut nikoli nie budzie», — padkreśliŭ jon. Pavodle słoŭ kiraŭnika dziaržavy, pryncypy pryvatyzacyi byli «abvieščany nie adzin raz»: «Chočaš kupić — płaci rynkavuju canu. Plus vaźmi abaviazacielstva ŭkłaści hrošy ŭ vytvorčaść, zachavać pracoŭnyja miescy, zabiaśpiečyć ludziam dastojnuju zarabotnuju płatu».
Biełarusi, skazaŭ Łukašenka, patrebny takija inviestary, jakija «zabiaśpiečać pašyreńnie tavarnych rynkaŭ, stvareńnie novych vytvorčaściaŭ i technałohij, a hałoŭnaje — daduć dastojnuju zarpłatu rabotnikam». «A nie tyja, pry jakich pracoŭny kalektyŭ zastajecca ź mizernaj zarpłataj, a ŭsie hrošy zabiraje kučka akcyjanieraŭ», — dadaŭ jon.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ71
Kamientary