Zatrymany hienieralny dyrektar AAT «Kryčaŭcemientnašyfier» Skocki Leanid.
Zatrymańnie pravodzili supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS, a taksama UKDB pa Mahiloŭskaj vobłaści. Mužčyna sprabavaŭ zavałodać hrašyma ŭ sumie Br40 młn, vydadzienymi rabotnikam pradpryjemstva ŭ jakaści premii, paviedamili va ŭpraŭleńni infarmacyi i hramadskich suviaziej Ministerstva ŭnutranych spraŭ Biełarusi.
U chodzie praviadzieńnia apieratyŭna-vyšukovych mierapryjemstvaŭ pravaachoŭniki vyjavili fakty sistemnaha ździajśnieńnia karupcyjnych złačynstvaŭ kiraŭnictvam AAT «Kryčaŭcemientnašyfier».
Pavodle infarmacyi MUS, «źjaŭlajučysia słužbovaj asobaj i vykarystoŭvajučy słužbovyja paŭnamoctvy, dla zavałodańnia hrašovymi srodkami pradpryjemstva zatrymany padpisaŭ zahad ab premiravańni rabotnikaŭ «Za ekanomiju paliŭna-enierhietyčnych resursaŭ pa vynikach pracy za pieršaje paŭhodździe 2013».
«Majučy złačynny namier, jon daŭ niezakonnyja ŭkazańni padnačalenym supracoŭnikam sabrać z premijavanych asob peŭnuju sumu. Vykarystoŭvajučy aznačanuju schiemu, hienieralny dyrektar atrymaŭ Br40 młn. U hety momant jon i byŭ zatrymany supracoŭnikami MUS i KDB», — rastłumačyli supracoŭniki ŭpraŭleńnia infarmacyi i hramadskich suviaziaŭ ministerstva.
U dačynieńni da padazravanaha USK pa Mahiloŭskaj vobłaści zaviedziena kryminalnaja sprava pa č.3 ct.210 KK Biełarusi (kradziež šlacham złoŭžyvańnia słužbovymi paŭnamoctvami ŭ bujnym pamiery). Jon aryštavany i źmieščany ŭ śledčy izalatar Mahilova.
Kamientary