5 vieraśnia ŭ 19-paviarchovaj novabudoŭli pa vulicy Cimašenki byli ździejśnienyja dva adnatypnyja kvaternyja kradziažy. U ździajśnieńni złačynstvaŭ padazrajucca maładyja ludzi, jakija trapili ŭ kamiery videanazirańnia, ustanoŭlenyja la ŭvachodu ŭ padjezd.
Spačatku ŭ dom pryjšoŭ čałaviek z tečkaj. Jak miarkujuć apieratyŭniki kryminalnaha vyšuku Frunzienskaha RUUS, jon pravodziŭ «raźviedku», padčas jakoj vyśviatlałasia prysutnaść doma haspadaroŭ kvater na vierchnich pavierchach. Prykładna praz paŭhadziny ŭ padjezd uvajšoŭ zmoŭščyk «raźviedčyka». A praź jašče sorak chvilin abodva vyjšli ŭžo sa skradzienaj majomaściu.
Za hety čas u domie byli abrabavanaja dźvie kvatery — na 15-m i 13-m pavierchach. Vykradzienyja hrošy, juvielirnyja vyraby, fotatechnika. Ahulnaja škoda — bolš za 45 młn. rubloŭ.
Miarkujučy pa ŭsim, złamyśniki pranikali ŭ kvatery paciarpiełych, vykarystoŭvajučy śpiecyjalny ryštunak dla budaŭničych rabot na vyšyni.
U suviazi z hetym supracoŭniki milicyi prosiać usich, chto paznaŭ mužčyn na fota, paviedamić u dziažurnuju častku Frunzienskaha RUUS. Kantaktnyja telefony: (029) 776-64-10, (017) 213-08-29, (017) 252-02-02.
Kanfidencyjnaść harantavanaja.
