Alaksandr Łukašenka papiaredžvaje čynoŭnikaŭ ab adkaznaści za chłuśniu ŭ pytańni razhruzki składskich zapasaŭ. Ab hetym jon zajaviŭ siońnia na naradzie ab biahučych pytańniach sacyjalna-ekanamičnaha raźvićcia Biełarusi.
«Ja paprasiŭ by vas, Michaił Uładzimiravič (Miaśnikovič), a jašče bolš ministraŭ i kiraŭnikoŭ pradpryjemstvaŭ, mieć na ŭvazie. Usio heta chłuśnia pa razhruzcy składoŭ, jak heta vyhladaje siońnia ŭ nas — vyvieźli ŭ Litvu, Rasiju, jašče kudyści, hrošaj nie atrymali, a skłali tam ŭ dyleraŭ na składach traktary, aŭtamabili… Skažu publična, heta abierniecca kamuści kamieraj, — zajaviŭ jon. - Vy što, zabylisia, jak na MAZie pryjšłosia Baroŭskamu (były hiendyrektar MAZa) razhrabać. Tam niekalki dziesiatkaŭ miljonaŭ stračanych takim čynam hrošaj».
«Kamu vy akulary ŭcirajecie, ja nie razumieju. U mianie dastatkova ludziej, jakija praanalizujuć i zaŭtra paviedamiać.
Adnaho Rudoha (pamočnik prezidenta Kirył Rudy) dosyć, jaki prajedzie pa pradpryjemstvach, zapatrabuje jak pamočnik Prezidenta spravazdačy, pravieryć i dałožyć mnie, što adbyvajecca», — skazaŭ jon.
«Ja vam adpaviednyja dakumienty siońnia nakiruju, i vy pačytajecie i pahladzicie, što robiać členy ŭrada i kiraŭniki pradpryjemstvaŭ. Uzialisia pradavać — pradavajcie.
Hrafik vy sami paznačyli. Stenahrama vypisana, ź jaje my voźmiem vašyja, Siamaški, i ministraŭ abaviazacielstvy, vam damo pasłuchać, a potym spytajem», — adznačyŭ jon.
«Hałoŭnaje — heta hrošy ŭ krainu, a nie tavar za miažu vykinuli i pastavili tam niedzie pad płotam. Kudy chočacie viazicie, ale hrošy pavinny ŭ krainu pastupić.
I raju vam źviarnuć uvahu na jakaść pracy našych pradpryjemstvaŭ», — reziumavaŭ Alaksandr Łukašenka.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES26
Kamientary