Maks Korž? Nie, nie čuli. «Lapisy»? Dy vy što!
U internecie źjaviŭsia śpis naminantaŭ na treciuju Nacyjanalnuju muzyčnuju premiju, zasnavanuju Minkultam i kanałam STV. Z usich biełaruskim muzyčnych premij Nacyjanalnaja — samaja stabilnaja: adny i tyja ž vykanaŭcy z hodu ŭ hod.
Niadaŭna trapiŭsia mnie ŭ ruki dysk «Pieśnia hoda» ci to 2005, ci to 2006. Uražvaje, što śpis vykanaŭcaŭ i praź sieḿ hod zastajecca amal niaźmiennym. Naprykład, sioleta śpiavak Saša Nema pretenduje na najlepšuju pieśniu hoda, letaś jon staŭ «pop-vykanaŭcam hoda», moža ŭ nastupnym daraście da «turu hoda».
Hurt «Bieź Bileta», jaki ŭ minułym hodzie ŭziaŭ naminacyju «najlepšy kancert», sioleta naminujecca až na try pazicyi: «najlepšy rok-artyst», «najlepšy klip» i «najlepšaja pieśnia».
Siarod inšych naminantaŭ – Ina Afanaśjeva, Hanna Šarkunova, Alaksiej Chlastoŭ, Hiuneš, Iryna Darafiejeva, Uładzimir Kubyškin i navat niabožčyk Dźmitryj Baranaŭ
(jak adzin ź vierahodnych «najlepšych pradziusaraŭ»). Najlepšym aŭtaram muzyki iznoŭ moža stać (jak i letaś) Hierman, a Apple Tea moža paŭtorna stać najlepšym džaz-hurtom…
Siurpryzy – najaŭnaść u śpisie naminantaŭ hurtu N.R.M. ź pieśniaj «Mroja maja», jakaja pretenduje na «najlepšuju biełaruskamoŭnuju pieśniu». I, mahčyma, albom Kriwi Traukamurauka,
jaki pretenduje na tytuł najlepšaha, kali zmoža pieramahčy Anatola Jarmolenku. Prysutničajuć u niekatorych naminacyjach i inšyja, skažam tak, pierśpiektyŭnyja prajekty – ili-ili i Hurma.
Biełaruskaja muzyka z punktu hledžańnia Ministerstva kultury staić na miescy voś užo kolki hod.
Maks Korž? Nie, nie čuli. Najlepšych pop-vykanaŭcaŭ vyznačać siarod Šarkunovaj, Chlestova, Hiuneš i Natalli Tamieła. «Lapisy»? Žartavać nadumali, siarod rok-hurtoŭ pretendenty – Litesound, uzhadanyja «Bieź bileta» i «Lermont». Pra Akute taksama nahadvać nie budziem.
Nacyjanalnaja muzynaja premija pieratvaryłasia ŭ štohadovy ahlad tvorčaści dziasiatka «kłasikaŭ» z małym damieškam novych imionaŭ.
Navošta treba ažno 18 naminacyjaŭ, nieviadoma.
Pahladzieć na poŭny śpis-pretendentaŭ možna tut. 16 śniežnia abiaruć pieramožcaŭ. Budziem spadziavacca, śpis pieramožcaŭ nie budzie vyhladać jak dyjahnaz «pacyjent chutčej miortvy».
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj12
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary