Bieły dom zaklikaje Rasieju ŭstrymacca ad «pravakacyjnych dziejańniaŭ» na fonie aściarohi vajennaj interviencyi, piša The Guardian.
U čaćvier ZŠA papiaredzili Rasieju ab tym, što vajennyja vučeńni na miažy z Ukrainaj mohuć stać pamyłkaj.
Dziaržsakratar ZŠA Džon Kery paviedamiŭ, što razmaŭlaŭ ź ministram zamiežnych spraŭ Rasii Siarhiejem Łaŭrovym, jaki zapeŭniŭ jaho ŭ tym, što Maskva budzie «pavažać terytaryjalnuju cełasnaść Ukrainy».
«My ličym, što na dadzieny momant nieabchodna zrabić krok nazad i paźbiehnuć jakich-niebudź pravakacyj», - zajaviŭ Kery.
Raniej Bieły dom zaklikali Maskvu «paźbiahać pravakacyjnych dziejańniaŭ» i paviedamiŭ, što budzie ŭvažliva sačyć za vajennymi vučeńniami Rasiei.
«My rašuča padtrymlivajem terytaryjalnuju cełasnaść i suvierenitet Ukrainy, - zajaviŭ pres-sakratar Biełaha doma Džej Kerni. - My čakajem, što inšyja krainy zrobiać toje ž samaje, i tamu ŭvažliva sočym za vajennymi vučeńniami Rasiei na ŭkrainskaj miažy. My zaklikajem ich nie rabić jakich-niebudź krokaŭ, jakija mohuć być niapravilna vytłumačany abo pryvieści da pamyłki ŭ taki składany čas».
Raniej ministr abarony ZŠA Čak Chiejhieł zaklikaŭ Rasiju prajaviać aściarohu ŭ «čas vialikaj napružanaści».
«My čakajem, što inšyja narody buduć pavažać suvierenitet Ukrainy i paźbiahać pravakacyjnych dziejańniaŭ», - zajaviŭ Chiejhieł na pres-kanfierencyi ŭ Brusieli.
Kamientary