Prezident Rasii Uładzimir Pucin daručyŭ uradu praciahvać kantakty z ukrainskimi partniorami pa raźvićci handlova-ekanamičnych suviaziaŭ, pravieści kansultacyi z zamiežnymi partniorami, u tym liku MVF, pa akazańni finansavaj dapamohi Kijevu, prapracavać pytańnie ab akazańni Krymu humanitarnaj dapamohi ŭ suviazi z adpaviednym zvarotam Kryma, pieradaje RIA «Novosti».
Pra heta zajaviŭ pres-sakratar kiraŭnika dziaržavy Dźmitryj Piaskoŭ.
«Prezident RF Uładzimir Pucin daručyŭ uradu Rasii praciahnuć kantakty sa svaimi partniorami ŭ Kijevie pa pytańniach raźvićcia handlova-ekanamičnych suviaziaŭ pamiž RF i Ukrainaj», - skazaŭ Piaskoŭ.
Pavodle jaho słoŭ, Pucin taksama daručyŭ pravieści kansultacyi z zamiežnymi partniorami, u tym liku MVF, pa pytańni akazańnia findapamohi Ukrainie, uklučajučy kansultacyi pa hetym pytańni z krainami «vialikaj vaśmiorki».
«Akramia hetaha, majučy na ŭvazie zvarot kiraŭnictva Kryma ab akazańni humanitarnaj dapamohi, prezident Rasii daručyŭ uradu Rasii prapracavać hetaje pytańnie, u tym liku pa linii rehijonaŭ Rasiei», - padkreśliŭ pres-sakratar.
Kamientary