Premjer-ministr Polščy Donald Tusk ličyć, što ŭ ramkach ES treba ŭtvaryć enierhietyčny sajuz.
Na dumku D.Tuska, u ramkach Jeŭrasajuza pavinien być stvorany enierhietyčny sajuz dla stabilnaha hazazabieśpiačeńnia jeŭrapiejskich dziaržaŭ i źnižeńnia ich zaležnaści ad rasijskich hazu i nafty. Z takoj prapanovaj jon vystupiŭ na dniach na staronkach Financial Times. Jak miarkuje D.Tusk, «niezaležna ad taho, jak budzie raźvivacca situacyja va Ukrainie, praźmiernaja zaležnaść ad rasijskich enierhanośbitaŭ asłablaje Jeŭropu».
Polski palityk vykazaŭsia za adzinuju strukturu, jakaja zajmałasia b zakupkami hazu dla ŭsich 28 krain — členaŭ ES.
Akramia taho, Tusk ličyć, što Jeŭrasajuz pavinien akazać da 75% finansavaj padtrymki na budaŭnictva hazaschoviščaŭ i hazapravodaŭ u tych dziaržavach, jakija ciapier najbolš zaležnyja ad «Hazproma».
Razam z tym Jeŭropa pavinna maksimalna vykarystoŭvać ułasnyja zaležy vidy paliva, uklučajučy vuhal i słancavy haz, upeŭnieny jon.
Kiraŭnik polskaha ŭrada adznačyŭ, što prynamsi 10 krain — členaŭ ES bolš za pałovu svaich patrebaŭ ŭ hazie papaŭniajuć z dapamohaj zakupak u adzinaha pastaŭščyka — «Hazproma».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym7
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary