Прэм'ер-міністр Польшчы Дональд Туск лічыць, што ў рамках ЕС трэба ўтварыць энергетычны саюз.
На думку Д.Туска, у рамках Еўрасаюза павінен быць створаны энергетычны саюз для стабільнага газазабеспячэння еўрапейскіх дзяржаў і зніжэння іх залежнасці ад расійскіх газу і нафты. З такой прапановай ён выступіў на днях на старонках Financial Times. Як мяркуе Д.Туск, «незалежна ад таго, як будзе развівацца сітуацыя ва Украіне, празмерная залежнасць ад расійскіх энерганосьбітаў аслабляе Еўропу».
Польскі палітык выказаўся за адзіную структуру, якая займалася б закупкамі газу для ўсіх 28 краін — членаў ЕС.
Акрамя таго, Туск лічыць, што Еўрасаюз павінен аказаць да 75% фінансавай падтрымкі на будаўніцтва газасховішчаў і газаправодаў у тых дзяржавах, якія цяпер найбольш залежныя ад «Газпрома».
Разам з тым Еўропа павінна максімальна выкарыстоўваць уласныя залежы віды паліва, уключаючы вугаль і сланцавы газ, упэўнены ён.
Кіраўнік польскага ўрада адзначыў, што прынамсі 10 краін — членаў ЕС больш за палову сваіх патрэбаў ў газе папаўняюць з дапамогай закупак у адзінага пастаўшчыка — «Газпрома».
Цяпер чытаюць
Малады работнік «Мінск-Арэны» павінен заплаціць 71 мільён даляраў2
Каментары