Aŭtobus i aŭtamabili, jakija nie spynilisia kala błokpasta bajevikoŭ kala Novaajdar u Łuhanskaj vobłaści, rasstralali z aŭtamataŭ. Infarmacyju pra hetyja padziei miascovaje vydańnie «Siehodnia v Sievierodonieckie» atrymała ź dźviuch krynic — sa słoŭ pasažyra i miascovych žycharoŭ.
Aŭtobus, jaki vykonvaŭ rejs Łuhansk — Sievieradanieck, trapiŭ pad abstreł terarystaŭ u rajonie čyhunačnaha pierajezdu ŭ Novaajdary. Uviečary 26 maja kala 18.15 jaho abahnali dźvie lehkavyja mašyny. Aŭtamabili išli na chutkaści prykładna 100 km/h i nie źnizili jaje pierad błokpastom. Čyj błokpost — pasažyry nie zrazumieli, ale nie Nacyjanalnaj hvardyi, tak jak ukrainskaha ściaha na im nie było. Z hetaha błokpasta pa mašynach naŭzdahon adkryli stralbu, prastrelili koły, i tyja spynilisia. Ź ich stali vyskokvać ludzi i vypaŭzać paranienyja. Bajeviki ŭ kamuflažy i maskach pieraśledvali ŭciekačoŭ i pakłali ich tvaram na ziamlu. Paśla hetaha dali čarhoj pierad aŭtobusam, i jon spyniŭsia.
Kiroŭca skazaŭ pasažyram vybiracca vonki. Pasažyry sprabavali schavacca, paŭźci, ale adnoj z žančyn kula pa datyčnaj sadrała skuru z hałavy, a mužčynu prastrelili nahu.
Ludzi schavalisia za ścienami raźmieščanaha pobač kafe, i haspadar ŭpuściŭ ich unutr, pasadziŭšy na padłohu, kab hałovy byli nižej za ŭzrovień padvakońnikaŭ.
Paciarpieli jašče dvoje — žančyna za rulom «Łanasa», jaki apynuŭsia ŭ epicentry padziej, i miascovy žychar. Žančynie kula trapiła ŭ pazvanočnik i paźniej, kali padjechała miascovaja «chutkaja», jaje adpravili ŭ Łuhansk. Miascovy žychar atrymaŭ ranieńnie hałavy z vyciakańnie mazhavoha rečyva. Jon byŭ dastaŭleny ŭ Novaajdarski FAP, dzie pakinuty, bo byŭ nietranspartabielny. Adnak siońnia mužčyna byŭ jašče žyvy, stan stabilizavaŭsia i jaho taksama dastavili ŭ Łuhansk.
Bajeviki kinuli paranienych i adnaho, jak śćviardžajuć vidavočcy, zabitaha ŭ aŭtobus, raźviarnuli jaho i, mabyć, viarnulisia na svoj błokpost. Aŭtobus vioŭ jaho kiroŭca.
Sievieradančanie zmahli viarnucca dadomu pozna ŭviečary na «busiku», z haspadarom jakoha damoviŭsia pa telefonie haspadar kafe. Amal usie ich rečy zastalisia ŭ zachoplenym aŭtobusie.
Kamientary