Ministr ekanomiki Snapkoŭ: «U mianie mama žyvie ŭ Litvie. Štości tańniej tam, štości ŭ Biełarusi»
Ministr ekanomiki Mikałaj Snapkoŭ pravioŭ «pramuju liniju» ŭ redakcyi haziety «Respublika».
— Mikałaj Hienadzievič, moža, patłumačycie: biełarusy časta jeździać za pakupkami ŭ susiednija krainy, čamu ŭ toj ža Polščy, Litvie rečy značna tańniej? Čamu ceny adroźnivajucca ŭ razy?
— U razy — heta naŭrad ci. U mianie mama žyvie ŭ Litvie.
Adzinaje, na što košty surjozna adroźnivajucca tam i ŭ Biełarusi, dyk heta na pasłuhi ŽKH. U Litvie jany sapraŭdy ŭ razy daražejšyja.
Ja b nie kazaŭ, što ŭsio astatniaje adroźnivajecca mienavita ŭ razy: heta tyčycca i charčavańnia, i spažyvieckich tavaraŭ. Jość tavary, jakija tańniej u nas, jość tyja, jakija daražej. Naprykład, televizary. U Jeŭrasajuzie — adziny rynak. Adpaviedna, pamiž krainami niama nijakich dadatkovych abciažarańniaŭ u vyhladzie mytnych pošlin.
Ale kali tavar ź Jeŭropy jedzie da nas, to pastaŭščyk ŭžo płacić pošlinu i ŭvazny PDV. Heta pavyšaje canu tavaru amal na 40%.
Heta ja vam tłumaču łohiku cenaŭtvareńnia na tyja tavary, jakija kaštujuć daražej u nas. Ale jość i tavary tańniejšyja. Vy ž viedajecie, my budujem svoj Mytny sajuz, my sami vyrablajem i atrymlivajem pradukcyju z Rasii i Kazachstana biez mytaŭ.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary