Čechija, Słavakija, Vienhryja i Kipr błakujuć uviadzieńnie novych sankcyj suprać Rasii
Padčas pazačarhovaha samitu Jeŭrasajuza čatyry krainy-člena ES vykazali niazhodu z rašeńniem ab pašyreńni sankcyj suprać Rasii. Vierahodna z-za hetaha sankcyi nie byli ŭviedzienyja ŭ dziejańnie apošnim rašeńniem Jeŭrapiejskaha savieta - rašeńnie adkładzienaje na tydzień.
«Niahledziačy na ŭsio bolšuju vidavočnaść taho, što rasiejskaja rehularnaja armija dziejničaje na Uschodzie Ukrainy, ES zastajecca padzielenym u pytańni ŭkaranieńnia bolš žorstkich sankcyj», - havorycca ŭ artykule, jaki byŭ apublikavany pa vynikach samitu.
Financial Times spasyłajecca na dypłamatyčnuju krynicu, jaki śćviardžaje, što čatyry krainy - Słavakija, Vienhryja, Čechija i Kipr - «vykazali zaniepakojenaść adnosna ŭviadzieńnia bolš žorstkaha embarha.
Hetaha dastatkova dla zryvu sankcyj. Vydańnie nahadvaje, što dla pryniaćcia takoha rašeńnia patrabujecca adnahałosnaja padtrymka ŭsich krain-členaŭ ES.
Identyčnyja źviestki padaje «Interfaks-Ukraina». «Pa vynikach dyskusii stała zrazumieła, što Čechija, Słavakija, Vienhryja i Kipr majuć svaje zaŭvahi adnosna pašyreńnia sankcyj», - paviedamiła ahienctva sa spasyłkaj na infarmavanaha jeŭrapiejskaha dypłamata.
Słavacki premjer Robiert Fica asabista paćvierdziŭ infarmacyju adnosna svajoj krainy, paviedamlaje Reuters. «Ja pakidaju za saboj prava vieta ŭ dačynieńni da sankcyj, kali jany buduć nanosić škodu nacyjanalnym intaresam Słavakii», - zajaviŭ jon.
«Ja liču sankcyi biazhłuzdymi i kontrpraduktyŭnymi… Pakul my nie ŭbačym efiektu ad tych sankcyj, jakija ŭžo byli ŭviedzienyja, niama nijakaha sensu ŭvodzić novyja», - zajaviŭ Fica.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami47
Kamientary