1 studzienia 2015 hoda staršynstva ŭ Jeŭrasajuzie na najbližejšyja paŭhoda pierajšło ad Italii da Łatvii.
Łatvija zajaviła try asnoŭnyja pryjarytety na čas staršynstva ŭ ES.
«Pieršy — kankurentazdolnaja Jeŭropa, jakaja praduhledžvaje realizacyju płana ekanamičnaha azdaraŭleńnia, druhi — ličbavaja Jeŭropa, treci — intehravanaja Jeŭropa», — paviedamiła 3 śniežnia na pres-kanfierencyi ŭ Brusieli premjer-ministr Łatvii Łajmdota Straujuma.
U svaju čarhu kiraŭnik łatvijskaha MZS Edhars Rynkievič padkreśliŭ, što padčas staršynstva ŭ ES Łatvija maje namier prymianiać indyvidualny padychod u palitycy Uschodniaha partniorstva. «My prymienim indyvidualny padychod da kožnaha člena Uschodniaha partniorstva. My pavinny bačyć surjoznaje supracoŭnictva, jakoje achoplivaje palityčny dyjałoh, viaršenstva prava i šerah inšych pytańniaŭ», — skazaŭ ministr zamiežnych spraŭ.
Jon, u pryvatnaści, adznačyŭ, što ES pavinien akazać padtrymku ŭ implemientacyi pahadnieńniaŭ ab asacyjacyi i zonie svabodnaha handlu i surjozna pracavać nad libieralizacyjaj vizavaha režymu dla asobnych krain.
Edhars Rynkievič nahadaŭ, što ŭ mai 2015 hoda ŭ Ryzie płanujecca praviadzieńnie samitu Uschodniaha partniorstva.
Pavodle jaho słoŭ, samit pavinien dać dakładny sihnał ab cikavaści ES adnosna dalejšaha raźvićcia hetaj prahramy ES.
Paśla Łatvii staršynstva piarojdzie da Luksiemburha.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary