Kiraŭniki Ruchu «Za Svabodu» praviali akcyju salidarnaści z kniharniaj «ŁohvinaŬ»
Staršynia arhanizacyi Alaksandr Milinkievič i jahonyja namieśniki Juraś Hubarevič i Aleś Łahviniec naviedali kniharniu «ŁohvinaŬ» i nabyli tam biełaruskija dziciačyja knihi.
Na nabyćcio knih, aŭdyjozapisaŭ kazak i videafilmaŭ było vydatkavana 4.2 młn rubloŭ. Knihi i dyski byli pieradadzienyja ŭ biełaruskamoŭnyja hrupy dvuch dziciačych sadkoŭ Centralnaha rajona Minska.
«Samaja hałoŭnaja zbroja suprać pieraśledu niezaležnaha hramadstva — heta salidarnaść. Čym bolš budzie salidarnaści, tym mienš budzie represij. I dumaju, što ŭłada vielmi baicca svabodnaha słova, svabodnaha myśleńnia i ŭvohule niezaležnych inicyjatyvaŭ. Tamu zaraz vialikija prablemy ŭ pryvatnaha biźniesu. Ułada choča ŭsio kantralavać. Ale jak raz volnaje słova kantralavać niemahčyma. Biełarusy musiać padtrymlivać adzin adnaho. Kali budzie uzajemnaja padtrymka, aŭtarytarny režym nie zdoleje padparadkavać volnyja hramadskija inicyjatyvy», — adznačyŭ Alaksandr Milinkievič.
Nahadajem, hramadstva aktyŭna padklučyłasia da zboru srodkaŭ dla vypłaty vielizarnaha štrafu, jaki prysudzili Łohvinavu. Užo sabrana bolej za 10 tysiač dalaraŭ.
Kalehija pa ekanamičnych spravach Viarchoŭnaha suda razhledzieła siońnia skarhu vydaŭca Ihara Łohvinava i pakinuła ŭ sile rašeńnie pra spahnańnie z eks-uładalnika kniharni «Łohvinaŭ» štrafu ŭ pamiery 5,4 młn. rubloŭ, a taksama kanfiskacyi dachodaŭ jaho pradpryjemstva za 2014 hod u pamiery 961 młn. rubloŭ.
Kamientary