Ale biełarusy nie pabačać zaćmieńnia Miesiaca i adpaviednych efiektaŭ.
Poŭnaje zaćmieńnie Miesiaca adbudziecca 4 krasavika, paviedamlaje NASA.
Cień Ziamli pačnie chavać Miesiac ŭ 13:16 pa minskim časie. Zaćmieńnie dasiahnie piku ŭ rajonie 14:58, całkam Miesiac budzie schavany cieniem 4 chviliny 43 siekundy.
Ź Biełarusi zaćmieńnie nie budzie bačnaje. Panazirać za im zmohuć u ZŠA, Mieksicy i Kanadzie, na Dalokim Uschodzie i ŭ Sibiry dy ŭ Aŭstralii.
Cikavy efiekt miesiacovaha zaćmieńnia — «kryvavy Miesiac». Kali spadarožnik zachilajecca Ziamloj ad Sonca, da jaho dachodzić raśsiejanaje ŭ atmaśfiery śviatło, što nadaje Miesiacu čyrvony koler.
Dy «kryvavy Miesiac» budzie niadoŭhim, usiaho 5 chvilin — samaje karotkaje zaćmieńnie za apošnija 100 hod.
Hetaje zaćmieńnie ŭvachodzić u «vialikuju čaćviorku»: miesiacovyja zaćmieńni ŭžo adbyvalisia ŭ krasaviku i kastryčniku 2014 hoda, jašče adno adbudziecca 28 vieraśnia 2015 hoda. Apošni raz tak časta miesiacovyja zaćmieńni adbyvalisia ŭ 2003 hodzie, a za XX stahodździe takija sieryi zaćmieńniaŭ adbyvalisia tolki vosiem raz.
Zaćmieńnie Miesiaca 28 vieraśnia daviadziecca pabačyć i biełarusam. Jano praciahniecca značna dolej — 1 hadzinu i 13 chvilin, z 5:11 da 6:24 pa minskim časie.
U adroźnieńnie ad soniečnych zaćmieńniaŭ, dla nazirańnia miesiacovych nie treba baranić vočy admysłovymi srodkami.
Hladzicie taksama: Nad Biełaruśsiu nazirałasia soniečnaje zaćmieńnie
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary