Але беларусы не пабачаць зацьмення Месяца і адпаведных эфектаў.
Поўнае зацьменне Месяца адбудзецца 4 красавіка, паведамляе NASA.
Цень Зямлі пачне хаваць Месяц ў 13:16 па мінскім часе. Зацьменне дасягне піку ў раёне 14:58, цалкам Месяц будзе схаваны ценем 4 хвіліны 43 секунды.
З Беларусі зацьменне не будзе бачнае. Паназіраць за ім змогуць у ЗША, Мексіцы і Канадзе, на Далёкім Усходзе і ў Сібіры ды ў Аўстраліі.
Цікавы эфект месяцовага зацьмення — «крывавы Месяц». Калі спадарожнік захіляецца Зямлёй ад Сонца, да яго даходзіць рассеянае ў атмасферы святло, што надае Месяцу чырвоны колер.
Ды «крывавы Месяц» будзе нядоўгім, усяго 5 хвілін — самае кароткае зацьменне за апошнія 100 год.
Гэтае зацьменне ўваходзіць у «вялікую чацвёрку»: месяцовыя зацьменні ўжо адбываліся ў красавіку і кастрычніку 2014 года, яшчэ адно адбудзецца 28 верасня 2015 года. Апошні раз так часта месяцовыя зацьменні адбываліся ў 2003 годзе, а за XX стагоддзе такія серыі зацьменняў адбываліся толькі восем раз.
Зацьменне Месяца 28 верасня давядзецца пабачыць і беларусам. Яно працягнецца значна долей — 1 гадзіну і 13 хвілін, з 5:11 да 6:24 па мінскім часе.
У адрозненне ад сонечных зацьменняў, для назірання месяцовых не трэба бараніць вочы адмысловымі сродкамі.
Глядзіце таксама: Над Беларуссю назіралася сонечнае зацьменне
Каментары